AMSTERDAM, Hulanda- Cerca un medlpunt di victimanan di abuso sexual den e congregacion di Testigonan di Jehova, den un luna a drenta 80 melding.
Un di e fundadonan di e meldpunt, Frank Huiting, a confirma esaki na e corant Trouw. E Fundacion Reclaimed Voices, manera e organisacion yama, ta haya señalnan di cu probablemente lo tin cientos di casonan di abuso, pero no por confirma esaki.
E fundacion ta existi ya caba pa un luna. Den e periodo aki a drenta por lo menos cincuenta storia di abuso den e congregacion religioso aki. Cerca Trouw a drenta un otro 30 melding mas, cu a luna pasa a raporta riba e caso aki.
E meldingnan ta proviniente di mas tanto personanan adulto, pero ta papia di experiencianan di nan hubentud. Hopi di nan a bandona e congregacion religioso aki. “Pa nan e barera pa haci melding di loke a pasa cu nan, ta mas abao”, segun Huiting.
Fuente: https://www.rtlnieuws.nl/