CIUDAD DE MEXICO, Mexico- Mas di 6 mil mucha disparce na Mexico entre 2006 y 208, segun e Registro Nacional di Datonan di Persona Perdi of Desapareci (RNPED), e Diario di Yucatan a informa.
E datonan oficial a wordo difundi pa e colectivo Red Nacional pa e Derechonan di Infancia na Mexico (REDIM) durante un encuentro nacional den e capital. E organisacion aki ta dedica na derechonan di mucha. E estadisticanan di RNPED a señala cu pa april 2018, di e 37.435 persona desapareci, di cual 18 % ta mucha y adolescente.
“E ta un tema invisibel. Den cualkier otro pais esaki lo ta un escandalo. Akinan, esaki no ta caso”, e director di REDIM,Juan Martin Perez Garcia, a declara, enfatisando cu e cifranan “ta evidencia di e desafio grandi di e pais pa trata y resolve esaki”.
Segun e organisacion, desde 2012, e cantidad di persona desapareci na Mexico ta alarmante. Den e ultimo seis añanan 5 mil menor a desaparece, cual representa 75%.
“Nos ta principalmente preocupa cu esaki ta sigui di ta un tema “invisibel”, cu no ta aparece den e agenda di niun hende”, e director di REDIM a afirma.