Diadomingo, 23 di september ultimo, Koningin Wilhelmina Fonds Aruba a organisa e tradicional Ride, Walk & Run for the Roses, cu e aña aki a celebra su di 8 aniversario. Sr. Dave Martinus, miembro di directiva di Koningin Wilhelmina Fonds, ta elabora ariba e dia aki y con e caminata aki a bay.
Segun Sr. Martinus, e reaccion pa cu e Walk Of Roses tabata uno hopi grandi y fantastico. Tabata tin sigur un 500 participante cu a registra, ainda e mainta di e caminata.
E awa a hunga un rol, pero asina mes cu e awasero, tabata tin un gran cantidad di participante cu a participa. E ciclistanan tambe a colabora, apesar di tur e caredanna di bicicleta cu tin e ultimo dianan, toch nan a haya hopi ciclista cu a participa. Y pa e organisadornan, esaki sigur ta causa di gran alegria. Tabata tin participante cu a bin cana cu nan mascotanan.
Den futuro lo purba na amplia mas, ya cu tin mas cos cu e organisadornan lo kier haci. Nan lo kie trece landamento tambe acerca, pero esaki ta algo pa regla logisticamente. Pero esunnan cu kier contribui, por haci esaki den e siguiente actividad cu nan ta sinti nan mes comodo cun’e.
Por ultimo, Sr. Martinus a gradici tur e sponsornan, e.o. Alhambra Casino, Fun Miles, Tri Bike y tambe na tur e colaboradonan, cu ta yuda pa haci e caminata aki uno exitoso. Pa otro aña, Koninging Wilhelmina Fonds lo tin un otro evento di Ride, Walk, Run for the Roses, cual lo aun mas grandi.