OOSTBURG, Zeeland – Mucha muhenan na Oostburg, Zeeland, a ricibi durante vacunacion den grupo, vacunanan robes. Ta trata aki di 52 di 55 mucha muhe.
Nan mester a wordo vacuna contra di cancer na matris, pero na luga di esey nan a haya e vacuna di DTP (difteria, tetanus, polio);.
Ningun consecuencia
Segun GGD, e fout akinan no tabata tin ningun consecuencianan medico. “Si e tabata fastioso, pasobra awo e mucha muhenan falta e vacuna di HPV,” segun e servicio. E mucha muhenan lo ta protehi pa e proximo 10 aña contra difteria, tetanus y polio, tres aña largo mas compara cu e situacion normal.
GGD no sa kico a bay fout. Esaki ainda tin cu wordo investiga. E mayornan a ricibi awe, diamars, un carta pa pone nan na altura. E mucha muhenan lo ricibi mas despues e vacuna corecto.
Fuente: RTL Nieuws