Minister di Asuntonan Social y Labor, Sr. Glenbert Croes a bisa cu actualmente tin mas di 5 mil persona cu por traha, pero ta na cas sin trabao. E pregunta ta cu si nan por traha, dicon nan no ta haya trabao, of si nan ta prepara pa haci tur cualkier tipo di trabao.
Nos hendenan sin trabao no ta hayando bij- of omscholing, pa haci tur sorto di trabao, vooral e tipo di trabao cu nos economia y comercio ta demanda, cu e mercado laboral a base di e desaroyonan cu tin na Aruba, ta demanda. Esey ta unda cu e mandatario tin cu reconoce cu gobierno tin un trabao hopi grandi y urgente, pa sigura, atrabes di enseñansa pa empleo y otro institutonan cu por coopera, e.o. cu ATIA ariba un cooperacion di e.o. cu Enseñansa di Empleo, pa fortifica e institutonan cu ta train, cu ta prepara nos hobennan, nos hendenan desemplea, cu ta haci otro sorto di actitud. E importancia di cumpli cu’n horario di trabao, e disciplina di trabao, tambe e realidad di cu tin hopi trabao cu no ta simplemente un trabao di dialuna pa diabierna, pero e punto ta, cu si ta prefera di cas cu haya un trabao, unda cu lo mester traha un diasabra, of un diadomingo. Pero tambe di otro banda, mester prepara pa e doñonan di trabao tin un schedule balansa, pa e mama of tata di famia, no wordo sacrifica, pero pa tin tempo pa dedica na famia y yiunan. E ekilibrio aki ta e gran reto y esaki ta su responsabilidad, segun e mandatario, pa e desempleadonan por haya training pa por subi mercado laboral local, a base di demandanan cu dunadonan di trabao tin. A base di cu e mercado laboral tin, cu e economia tin. Y alabes, como minister di Asuntonan Social y di Labor, pa sigura cu toch e regimen laboral ta duna e trahado, e dianan liber toch suficiente, cu e mester por, como mama of tata di famia, pa dedica na nan famia.
Esaki ta un tema compleho, tin hopi hende cu kier traha, pero pregunta ta unda ta laga e yiunan. Si tin caminda pa laga e yiunan, pregunta ta keda si nan por paga esaki. Transporte awendia, un hende cu ta biba na San Nicolas, pa bay trabao y bin bek, ta papia aki di mas di 500 florin na gastonan di transporte so. Y na crèche, kico ta resta pa cria famia? E problema ta un compleho.
E mandatario a sigui bisa cu mester atende henter e pakete aki como uno so, y tambe e ahustacion/aumento di salario minimo. E ahustacion di canasta basico, reduccion di tur e factornan cu ta afecta costo di bida, manera awa, coriente, cas. Ta p’esey ta importante cu e minister presidente, cq minister di energia ta haciendo pa baha prijs di awa y coriente. Ta importante tambe decisionnan ariba tereno di construccion di casnan. Construccion di mas casnan social.
E asunto aki mester atende e asunto aki como un pakete, hunto cu e minister di educacion pa sigura cu por tin e training, educacion, muchanan cu caba EPB, EPI cu dado momento, cu nan lo mester di un training extra pa nan por fit den e mercado laboral.
Tin mas di 5 mil hende sin trabao y toch tin hende tin necesidad pa trece trahado di afo. Obviamente e ta un señal cu e demanda di desaroyo cu e creacion di cupo di trabao, ta mas hopi cu loke tin. Pero e mal señal cu e gobierno a haya ta cu e desempleo ta sigui subi. Brinda oportunidad di trabao na nos hendenan. Y no solamente brindanan un cupo di trabao, pero ta importante pa nan por haci e trabao tambe. Y eynan ta e tarea di preparanan di un forma apto y loke no tin ariba mercado laboral, trece nan di afo.
Pa cada trahado di afo, pone un local banda di dje, e mandatario a bisa. No ta bay tranca e proceso tampoco, pero ta pidi pa tin transferencia di conocemento, pone local pa cana cun’e for di e propio organisacion.
Ta haciendo pilot project bou di mamanan soltero. Cada hoben su situacion ta diferente. mamanan soltera su situacion ta diferente. Tambe tin hendenan cu mas cu ta pasando 40 y 50, tambe tin un buraco unda cu hendenan ta kedando sin trabao. Y ta haciendo un pilot project, analisando e problema y wak kico gobierno di su banda, cu cooperacion di comercio y sindicato pa sigura cu di forma efectivo pa nos hendenan cu ta desemplea pro bin na remarca cu e trabaonan cu ta disponibel na Aruba, e mandatario a bisa.