FALCON, Venezuela- E situacion na estado Falcon “cada rato ta birando pio”, ya cu e fuentenan di trabao a “disparce y awo gobierno a cera e frontera alegando cu tabata tin hortamento di koper. Esaki tin añas ta tumando luga y esaki a wordo denuncia tambe desde 2015”, segun e diputado pa Asamblea Nacional (AL) pa e Unidad, Luis Stefanelli.
El a precisa cu e ceramento di e frontera pa Aruba, Corsou y Bonaire “ta debi na e consecuencia di e accionnan di e mafianan di oro cu gobierno ta promove, habriendo comercionan ilegal pa e islanan aki”.
El a indica tambe cu e ceramento di e fronteranan pa e islanan ABC, ta afecta mas di 5 mil persona. E medida aki ta destruyendo e economia di estado Falcon. Punto Fijo ta bira un ciudad desierto despues di tabata referencia na nivel comercial”.
Otro di e problemanan cu e ta afectando e entidad insular ta “e alerta sanitario den e hospital Van Grieken cu tin un exodo masivo di specialistanan y den e centro hospitalario Rafael Calles Sierra, e unidad cardiologico a cera ya cu no tin dokter”, e parlamentario a informa.
Stefanneli a sigui bisa cu “gobierno a desmantela e pais, occidente di Falcon a perde 60% di e tecniconan trahado di Hidrofalcon y den Universidad Fransisco de Miranda 60% di e maestronan a kita for di trabao”.
El a agrega cu e situacion “di hamber ta asina grave cu na Paraguana comerciante cu tabata bende dulce de leche y keshi di cabrito ya no ta produci esaki. Nan mester a mata e animalnan pa e consumo humano”.
Fuente: https://elmercurioweb.com