HARARE, Zimbabwe- Mas di 40 persona a fayece den un accidente di bus cual a tuma luga diahuebs, dia 15 di december. E accidente a sosode den e distrito di Gwanda, na 550 km zuid di Harare, capital di Zimbabwe, AP ta informa.
E vocero di polis, Charity Charamba, a informa cu e accidente a laga mas di binti persona herida, varios di nan cu kimaduranan di gravedad. Causa di e siniestro no ta conoci. Un potret di e vehiculo completamente kima a wordo publica riba e cuenta di Twitter di Crus Cora di Zimbabwe.
Siman pasa, un colision entre dos autobus den e pais a provoca 50 morto y 80 persona a keda herida.