Tachira, VENEZUELA – Producto di precipitacion intenso registra durante e ultimo dianan den e entidad Tachirense, 48 vivienda di San Vicente de la Revancha, municipio Junin ta actualmente anega y 321 famia afeca y incomunica pa e dañonan den e vialidad.
Al respecto, Jorge Galindo, director nacional di Proteccion Civil, a splica cu den estado Tachira, a yobe aproximadamente for di 72 ora pasa entre 50 y 70 milimeter di awam loke ta ekivale un luna di awasero den e temporada di invierno, specificamente den e zona di frontera.
Igualmente, a sigura cu e situacion aki a controla y a desplega comisionan di PC Regional y Gobernacion di Tachira pa nan atende y solventa e principal afectacion di e personanan aki cu tin di haber cu e obstruccion di e vianan di comunicacion di e comunidad.
“Nos ta treciendo for di Caracas otro ekiponan den coordinacion cu e Ministerio di Transporte y Comunicacion, cu e Ministerio di Ecosocialismo pa reestablece comunicacion vial lo mas pronto posibel,” e vocero a indica.
Galindo a sigura cu nan a bin haciendo e evaluacion di e daño pa determina e cantidad di funcionarionan cu ta desplega na e sitio durante e proximo 48 pa 72 ora, ya cu ta pronostica mas precipitacion den e proximo dianan, loke ta atipico den e temporada aki pasobra “no ta normal pa durante e temporada aki ta cayendo asina hopi awasero.”
Fuente: El Universal