KIEV, Ucrania – Mas di 30 persona a muri desde fin di siman pasa den e violencia nobo escala cu ta biba entre e separatistanan proRuso y e Ehercito di Kies oost di Ucrania.
Segun e separatistanan, e Ehercito Ucraniano a ataca diahuebs anochi cu lansagranadanan den un bario residencial di Donetsk, matando dos civil y lagando 14 persona herida, DPA a informa.
Den 24 ora, e Ehercito Ucraniano a perde por lo menos cuater solda y otro 19 a resulta herida, e vocero militar Alexander Motusianik a informa. Awe mainta a muri otro dos solda, segun e departamento di prensa, cu a informa tambe di combatenan na Mariupol y di dos vicil y un fotoperiodista Britanico herida na Adiivka.
For di fin di siman ultimo, a muri por lo menos 16 solda Ucraniano y 18 separatista y tabata tin decenas di herido. Ambos parti ta acusa di a cuminsa cu operacionnan militar. Segun e Organisacion di Nacionnan Uni, for di 2014 pa awo, 10 mil persona a muri den e conflicto.
Ministerio di Exterior Ruso, a acusa Kiev di ataca civilnan y di viola asina e derecho internacional. Husticia Ruso ta investigando e casonan, vocero di exterior, Maria Sajarova, a informa, cita pa e agencia Tass.
Vocero di Kremlin, Dmitri Peskov, a confia cu e separatistanan tin “suficiente municion pa reacciona na e comportacion agresivo di e soldanan Ucraniano.” Ucrania di su banda, ta acusa Rusia di suministra arma na e separatistanan, algo cu Moscu ta nenga.
Segun e presidente Ucraniano, Petro Poroshenko, Kiev ta purbando garantisa bahamento di arma. “E parti Ucraniano a haci tur posibel pa rechasa e atakenan, cu a cuminsa na final di Januari,” el a afirma.
E embahado nobo Mericano na Nacionnan Uni, Nikki Haley, a critica Rusia pa e escalada di e conflicto y a condena e “comportacion agresivo” di Rusia den e conflicto Ucraniano.
Merca kier e miho relacionnan cu Rusia, pero e situacion na Ucrania ta rekeri “lamentablemente” un “condena cla y fuerte di e actuacionnan Ruso.”
Fuente: El Universal