WASHINGTON, Merca – mas di 30 congresista Mericano, tanto democratanan como republicano, a pidi diahuebs na e secretarionan di estado, John Kerry y di tesoro, Jac Lew, a impone sancionnan na mas funciona Venezolano, na considera cu “e democracia ta fracasando” den e pais Caribeño.
Trina y tres congresista, hopi di nan representantenan di e estado di Florida, a pidi den un carta na Kerry y lew, pa tuma “accionnan inmediato” pa loke ta e “teribel crisis economico, politica y di derechonan humano cu Venezuela ta sufri.”
Merca ya a impone sancionnan contra funcionarionan Venezolano atrabes di e via legislativa despues cu varios congresista a impulsa un proyecto di ley cu e fin aki, cu segun detaya e misiva, a recai riba 62 persona desde cu e sancionnan lo drenta na vigor na final di 2014.
“Sin embargo – e congresistanan ta alerta – e recordnan di otro oficialnan Venezolano, incluyendo miembronan di Corte Suprema, e sistema hudicial, huesnan di varios estado, polis estatal y nacional y forsanan di siguridad, a wordo relaciona directamente cu abuso di derechonan humano,” nan a skirbi.
“Hopi di e individuonan aki ta sigui siendo liber di accede na e sistema financiero Mericano, pa loke nos ta urgi boso energicamente cu ta studia e informacionnan aki y impone sancionnan contra e individuonan aki cu a participa den tal abusonan,” legisladonan a insisti.
Asina, e misiva ta reitera ambos funcionario cu prome cu e relacionnan entre Merca y Venezuela ta mas estrecho, Gobierno Mericano tin cu manda un “mensahe claro y consistente” atrabes di tur e canalnan posibel insistiendo cu e regimen di Maduro tin cu permiti un referendum revocatorio “liber y husto” prome cu e aña caba.
Ademas nan a subraya e necesidad cu Venezuela libera e presonan politico, ta adheri na principionan democratico, permiti e envio di alimentacion di emergencia y medicina y detene tur apoyo di e Gobierno na actividdanan vincula cu e trafico di droga.
Fuente: NTN24