Den e imagennan impactante difundi riba rednan social unda cu po wak ambos vehiculo na candela despues di e accidente.
Al menos 27 persona a fayece ora cu’n truck di petroleo y un autobus yena cu pasahero a dal den otro. E accidente aki a sosode den oranan di marduga di diaranson na Sanadaj, capital di e provincia Irani, Kurdistan.
Segun polisnan local, cita pa Mehr News Agency, un di e chauffeurnan di e autobus a sobrevivi e impacto. El a conta cu bus a para tras di un otro auto pa e recoge pasahero. Pero diripiente e truck di petroleo a bin dal den nan. Riba imagennan publica riba internet por wak ambos vehiculo na candela.
Informenan ta indica cu tin varios persona gravemente herida, pero e cantidad exacto no ta conoci.
https://twitter.com/twitter/statuses/1016820164610969602