DAMASCO, Siria- Al menos 45 persona a muri diaranson y 150 a resulta herida. E mayoria tabata door di bombardeonan di e aviacion Sirio y Ruso contra di e region di Guta Oriental, e principal dominio opositor pafo di Damasco, unda cu e forsanan gubernamental ta controlando 52% di e superficie.
E observatorio Sirio di Derechonan Humano a apunta cu e cantidad mas grandi di fayecidonan a keda registra den e poblacion Hamuriya, unda cu al menos 16 persona a perde nan bida den e atakenan aereo.
Tabata tin bombardeonan y atakenan di artileria contra di e localidadnan di Saqb, Haza, Kafr, Batna, Yisrin, Mesraba, Arbin, Harasta y Duma.
Durante e episodio di diaranson, tropanan gubernamental a intensifica su ofensiva contra di Guta Oriental, unda nan a logra progresa y domina 52% di e teritorio, despues di e combatenan contra di e faccionnan islamista di e Legion di Misericordia y e Ehercito di Islam.
Diaranson, efectivonan leal na president Sirio, Bashar Al Sada, cu ta conta cu e apoyo di militarnan y conseheronan Ruso, a kita e poblacion di Beit Saua for di nan oponentenan. Nan a yega cerca di Madira y Hamuriya.
Cu e avanse aki, forsanan gubernamental a parti e region den dos. Un parti, noord, ta cu cubri e ciudadnan di Duma, Harasta y algun finca den e parti zuid, cu ta cubri Arbin, Zamalka, Hamuriya, Saqba, Haza, Kafr Batna, Ain Tarma y Al Iftiris.
Ehercito Sirio y su aliadonan a cuminsa un atake den Guta Oriental dia 25 Februari ultimo, un siman despues di cu a intensifcia e bombardeonan y tironan di artileria contra di e zona.
Desde e fecha ey, 850 civil a muri na Guta Oriental, di cual 182 ta menor y 4150 persona a resulta herida, segun un informe di e Observatorio Internacional.
Fuente: https://www.efe.com