LAGOS, Nigeria- E edificio di un centro educativo na Itafaji (Lagos Island, Nigeria) a cay den otro na momento cu tabata tabata tin alumnonan paden, según e diario Nigeriano The Guardian.
Informenan ta indica cu’n centenar di menornan a keda atrapa entre e ruinanan di e edificio di tres piso.
Despues di e colapso, hopi di e alumnonan a wordo hiba cu urgencia pa un hospital local, mientras cu e mayornan tabata buscando nan yiunan entre e ruinanan.
Tin por lo menos 5 morto confirma, tur alumnonan di e scol. Segun habitantenan, gobierno tabata tin pensa pa basha e edificio abao, pero e ocupantenan tabata nenga di sali.
Un testigo di e tragedia, Prince Adams, cita pa e corant local The Punch, a manifesta cu el a saca 10 alumno for di bou di e ruinanan di Baden School, sin duna detaye si nan tabata morto of bibo, mientras cu e zona ta yena di hende. “Ta algo teribel, e mayornan tur ta yorando”, Adams a declara na e corant.