Mas cu mey miyon morto di COVID na Brasil

Awe ta straño pa topa un persona na Brasil cu no a perde un ser keri a causa di Covid-19, e cientificonan local ta bisa. Esaki na momento cu e país a yega un punto tristo di mey miton morto a causa di e virus.

E nacion aki, cu tin mitad di e poblacion di e continente, ta azota pa e virus. E fecha di 18 di juni so ta representa un tercera parti di e mortonan di COVID-19 na henter mundo, segun Our World in Data, un cifra cu expertonan ta adverti lo aumenta rapidamente mientras cu medida ta sigui plama sin control riba henter teritorio.

E cifra di 500 mil morto ta dobel cu e cifra di seis luna pasa, un señal cu e tasa di mortalidad ta acelerando, e expertonan ta bisa.

“Na juni aña pasa, nos a yega 50 mil morto a causa di Covid-19. Den un solo aña nos a multiplica e cantidad dies biaha. E ta duna hopi miedo,” tabata expresion di e neurocientifico Brasileño Miguel Nicolelis, kende na januari a predici cu e pais lo alcansa mey miyon morto na juli. E tempo ey e hendenan tabata pensa cu e cifra tabata exagera,” el a recorda.

E pais ta pasando den un procedura lento pa loke ta vacunacion y un resistencia firme pa loke ta medidanan di prevencion di parti di presidente Jair Bolsonario, kende no a duna importancia na gravedad di e virus.

Sin e medida di keda cas y cu solamente 11.4% di e poblacion totalmente vacuna, e pais ta wordo considera un cunucu di variantenan nobo y cada bes e ta mas aisla di resto di mundo. Te cu awo, mas cu 100 pais ta restringui entrada di Brasileñonan, segun Ministerio di Relacion Exterior.

Comments

comments