Internacional: Minister di Defensa di Israel a Duna Orden pa “Blokeo Total” di Gaza. Mas di 900 persona a perde nan bida den e atakenan mortifero di Hamas contra Israel. E Minister di defensa di Israel a duna un orden impactante awe pa un “blokeo total” di Gaza, mientras e Ehercito Israeliano a bisa cu nan a tuma control di e comunidadnan Israeliano cerca di e teritorio costero cu a wordo ataca pa hombernan arma di Hamas den un atake sin precedente durante e fin di siman.
Intensivo combate ta siguiendo entre e forsanan Israeliano y Hamas, y esaki ta resultando den impacto serio riba e comunicacion aereo. Diferente linia aereo a suspende nan vuelonan cu ta bay y bini for di Israel, mientras e situacion ta desaroyando sin cesar.
Mexico ta manda dos Aeroplano pa evacua nan ciudadanonan di Israel
Rond di 300 ciudadanonan Mexicano cu ta biba na Israel a firma pa sali for di e pais, segun loke e presidente di Mexico, Andres Manuel Lopez Obrador, a informa awe. E mandatario a anticipa cu su Gobierno lo manda dos aeroplano awe mes pa evacua e ciudadanonan cu ainda ta na Israel y cu ta desea di sali pa nan seguridad.
E situacion ta sigui desaroyando y ta plama preocupacion den comunidadnan internashonal y na ciudadanonan cu ta biba na e area. Mas Noticia lo sigui mantene nan actualisa pa brinda e informacion mas recien y relevante relaciona cu e crisis actual.