Diarason pasa, 31 di Juli 2019 un barco Venezolano cu dies persona abordo a wordo intersepta door di un Metal Shark di Warda Costa den awanan teritorial di Corsou.
Durante di e intersepcion e barco a cuminsa zink. E dies personanan di diverso nacionalidad awordo transporta pa e Punto di Sosten di Warda Costa unda a entrega nan na KPC. Despues a tou e barco, cu ya tabata mitar bou di awa, cu e cutter Jaguar di Warda Costa pa e pier na base di marina na Parera.
E siguiente mainta, 1 Augustus 2019, a saca e barco cu ayudo di sambuyadornan di Defensa y Cuerpo di bombero di Corsou a pomp saca e awa. Pa despues personal di Warda Costa hunto cu un team di Zr.Ms. Groningen y Duana a listra e barco minuciosamente. Esaki a resulta den un hayasgo di mas cu 800 kilo di cocaina den un compartimento scondi den e barco. Entretanto e droga a wordo distrui riba ordo di Ministerio Publico y e pasaheronan awor ta wordo considera como sospechoso.