Despues cu un cantidad di container di klapchi a yega Aruba e dia a yega oficialmente pa Polis, DTI, DOW, y Brandweer saca e containernan aki fo’i wela. Varios unidad policial a escolta e trekkernan cu ta lastra e containernan y a hibanan pa nan destino un grupo grandi a bay pariba di brug y otro a bay pabou di brug.
E trabou aki ta tuma luga te den oranan di mainta cu saca e ultimo container. Durante mainta, personal di Polis, Brandweer y DTI ta cuminsa cu e containernan rond pa wak e lugarnan di bende klapchi ta cumpli cu e reglanan.
Vocero di Polis tambe tabata presente na Wela y a confirma cu e transporte a cuminsa fo’i mei anochi caba y lo keda te na final cu saca e ultimo container.