INTERNACIONAL – Recientemente World Health Organization (WHO) a anuncia e aumento di mas grandi di casonan di COVID-19 den un dia. Segun un rapport di United Nations Health agency, un total di 183,020 caso nobo a wordo registra dentro di e 24 ora despues di 10or di anochi desde 21 di juni 2020.
Desde cu e prome casonan a wordo raporta na China na december 2019, tin mas 210 pais a raporta casonan di COVID-19. E cantidad di caso recientemente anuncia ta inclui 116,041 caso den America, 20,248 caso den Zuidoost Asia, 18,975 caso den Mediterraneo, 17,922 caso den Europa, 8,464 caso den Africa y 1,370 caso den Pacifico. Brazil, Merca y India a raporta mas tanto caso nobo unda Brazil tin 54,771 caso nobo, Merca 36,617 y India 15,413 caso. Segun un estudio haci na Universidad John Hopkins 468,331 persona a fayece di e 8,952,428 casonan raporta y 4,440,000 persona a recupera di e virus.