Sra. Ronela Croes, CEO di ATA ta splica cu e trahamento di mas caminda lo yuda masha hopi mes pa e turismo di Aruba. E ta amplia mas ariba esaki.
Sra. Croes a manda un palabra di pabien na esunnan cu a pone nan empeño pa nan dedicacion di logro di e proyecto di Watty Vos Boulevard. E proyecto aki ta importante pa comunidad den su totalidad y tambe pa e sector turistico. Cuater decada a papia di e proyecto aki, pues a premira un vision pa un desaroyo turistico di nos pais, cu ta rekeri inversion den infrastructura. Pero a dura asina hopi pa logra esaki y mientras tanto turismo a sigui crece.
Si dies aña pasa, Aruba a ricibi mas o menos 1.2 miyon bishitante, cual ta un combinacion di esunnan cu ta keda mas di un dia y esunnan cu ta yega cu barco. Awendia ta papia di 1.8 miyon bishitante. Di e manera aki, e proyecto ta mehora e calidad di bida di esunnan biba na Aruba pero tambe ta mehoracion y algo esencial y necesario, pa sigui sostene pero tambe pa mehora e experiencia di e bishitante te cu aworaki. Pa esunnan cu ta labora den e industria turistico, no solamente e trahado den diferente sector, pero tambe esun cu ta haci comercio. Esaki ta algo cu ta bunita y ta bon, pero ta necesario y a wordo basicamente identifica como algo necesario caba cantidad di aña pasa. Un biaha mas, Sra. Croes a felicita esunnan cu a logra bin cu’n vision asina aki y haci esaki un realidad. E ta manda un palabra di exito na esunnan cu ta traha ariba e proyecto aki.
Esunnan cu ta den e sector turistico ta warda cu’n anhelo ariba e finalisaicon di e proyecto aki pa asina gosa di su frutanan tambe. Asina Sra. Ronella Croes, CEO di ATA a finalisa bisando.