Si ta bin mas camber, e mester ta un proyecto cu ta trece turista di mas calidad pa Aruba, cu kisas trece un experiencia nobo pa Aruba, yuda haci e imagen di Aruba tambe mas positivo. Sra. Tisa La Sorte, presidente di AHATA cu e relato.
Esaki den sentido di mas otro tipo di experiencia. Si tin un otro tipo di experiencia, mas varia y di calidad mas halto, esey ta bon pa imagen di Aruba, pa trece e turista cu ta gasta placa na Aruba. No necesariamente e turista ta pidi algo nobo, si nan kier pa e camber ta renoba, cu e luga ta safe. Siguridad ta hunga un rol hopi importante. Por trece actividadnan cu por trece tambe, diversifica e cultura na San Nicolas. Metser ta mas creativo aparte di actividadnan cu nos conoce. Y si mester bin hotel nobo, pa e ta diferente di loke nos tin caba.
Loke AHATA menos ta preocupa cun’e ta competencia, ya cu esaki ta pone cu ta bay traha mas duro pa tin algo mas miho pa ofrecce. E peliger ta cu si bin cantidad mas grandi, ta e hecho unda ta bay haya e empleado cu mester. Ta luchando caba na Aruba, pa haya e cantidad di hende cu mester pa traha den hotelnan.No ta hayando e trahadonan cu mester. Tin hopi hende na Aruba cu no kier traha weekend, of anochi. Tin ora ta dificil pa haya hende pa diferente tipo di trabao. Mas camber kiermen mas hende. Si no haya esaki, e nivel di servicio ta baha y esey ta e preocupacion mas grandi. Di unda ta bay haya e hendenan pa duna e servicio.
No necesariamente AHATA ta pro pa mas camber, ya cu cu mas camber, e balor di cada unit ta baha. E tin di haber cu e demanda pa supply. Mas camber, e balor di e camber ta baha. Eynan ta haya e situacion, cu ta atrae hende cu ta paga menos, y ta gasta menos na Aruba. Tin un peliger cu si tin demasiado camber, ta baha e balor y tin e problema cu no tin hende pa duna e servicio. Tin e pensamento na Aruba, cu mester sigui crece e economia un poco. E pregunta ta kico ta e vision mas grandi cu tur hende ta commit na dje, como e masterplan. Kico ta e right ‘amount’ cu ta trece algo positivo enbes di algo negativo.
Pero si bin mas camber, pa e ta di un calidad mas halto, di un marca mas halto. Esey ta yuda Aruba atrae miho calidad di turismo. Un hotel di renombre ta yuda mercadea bo isla, nan tambe ta yuda trece hende Aruba, segun Sra. Tisa La Sorte, presidente di AHATA.