Lider di MEP Evelyn Wever-Croes hunto cu candidatonan di partido diahuebs ultimo a sigui duna homenahe na baluartenan y lidernan di bario di MEP.
Esaki a tuma luga diahuebs dia 9 di februari, e fecha di 46 aniversario di fundacion di partido MEP.
Durante un anochi ameno na Piedra Plat Entertainment Center Evelyn Wever-Croes a entrega un certificado di homenahe na 50 baluarte cu sea nan mes of nan famia a campana fuertemente pa MEP.
Por nota cu esunnan cu a wordo homenagea a keda sumamente contento cu e homenahe.
MEP a cuminsa cu homenahe na baluartenan y ex candidatonan desde aña pasa y a homenagea 300 persona caba. Tin un lista largo ainda di persona cu mester wordo homenagea. E siguiente dia di homenahe ta dia 18 di maart. Pabien na MEP cu e bunita gesto
aki.