Diasabra 8 di april 2023, tur hende a sali famia completo a subi auto, hendenan a huur jeep y te hasta safari jeep a subi caya pa busca webo anochi. Mas 105.1 Fm celebrando su prome aniversario a organisa un tremendo glow in the dark egg hunt presenta pa Lyonel Dirksz, e team completo di Mas FM tabata riba caya te anochi laat momento cu a haya webo di oro y di silver na Paradera.
A domina tur bario y un di nan cu tabata mas druk tabata Santa Cruz a keda domina cu ta indica cu Mas 105.1 Fm como radio jong y nobo den aire ta domina tur skina na Aruba y un sintonia nacional den grandi y chikito. San Nicolas tambe a sali den grandi y Noord buscando webo anochi cu famia. A keda demostra cu e pistanan tabata unico y hopi hende a gosa di busca webo rond anochi.
Na final gerencia di Mas Fm a saca potret cu e dos ganador y ta gradici tur hende cu a participa.