Ken ta Marilyn Wout pa cual aki e ta splica mas di su trabou y kico tur lo bay ta su rol di awe pa dilanti.
Pa algun tempo caba Sra. Wout ta fungi como Management Assistant na Departamento di Aduana. E tin diferente tareanan y e ta envolvi den diferente proyectonan tambe, pero e principal ta pa asisti e director.
Tambe Sra. Wout ta encarga cu e comunicacion interno y externo sosode na un manera completo y transparente, structura y frecuente, uzando diferente tools y medionan di comunicacion. Hopi biaha Aduana ta bin den lus negativo den medio y publico no ta wak precies kico Aduana ta haci y kico ta pasa den background.
Motibo di esaki, segun Sra. Wout ta paso nan no sa e tareanan di Aduana. Tareanan di Aduana ta, esun fiscal, cu ta cobra e invoerrechten y tambe e wegentaken, esey kiermen mantene e salubridad publico, cuida pa nos economia y nos medio ambiente.
Cuerpo di Aduana, banda di e tareanan fiscal e ta haci tambe esunnan no fiscal. Ta wak esey tambe den e accionnan cu Aduana ta haci conhuntamente cu Cuerpo Policial, Warda Costa y otro instancianan.
Den tarea y accionnan cu Aduana ta haci hunto cu otro partnernan, esey lo wordo comunica na pueblo di awo padilanti. Un bon comunicacion ta start internamente den e organisacion y ta expande su mes na su clientenan, su partnernan y demas stakeholdernan, segun Sra. Marylin Wout.