Maryandra Schwengle, presidente di ACTA a splica kico eads- b equipped kiermen pa nan cu ta traha den toren di control.
Awor por bisa cu e sistema di surveillance ta birando un realidad, cual ta algo cu nan tabata warda pa hopi tempo.
Esaki ta un instrumento esencial pa nan trabao diario. Dicho sistema no solamente ta provee un sistema mas facil pa separa e operacion avionnan pero tambe un fluho mas sigur di trafico aereo. Esaki ta un simpel idea pa sa unda e avion ta, ta duna e controlador aereo un sentido di siguridad den e trabao diario di un controlador aereo. Loke e sistema di surveillance ta menos transmision, menos tardansa, reduccion den metodonan di separacion y mas importante ta pa sigura unda e avion ta.
E turismo di turismo ta sigui crece cual ta nifica cu e movecion di avion tambe ta aumenta tur aña. Tambe nan ta maneha un cantidad di tipo di avion, di piloto cu diferente otro idioma, cu ta agrega na e complehidad di e trabao. Esaki ta un di e rasonnan pakico un sistema di surveillance no ta un luho pa e aeropuerto pero ta un necesidad urgente. No solamente nan lo beneficia di e sistema aki pero tambe e aerolineanan tambe ta beneficia di dje. Menos tardansa ta nifica menos kimamento di fuel y tambe un sentimento mas comodo ora di drenta den e zona di control Arubiano cu nan ta wordo separa pa un sistema di supervision. Aeropuerto a bin ta innova den e ultimo añanan. Tur tipo di avion ta baha na e aeropuerto. Nan ta mas moderno, entre otro e boeing. Ta momento pa por upgrade y provee un servicio mas sigur y profesional na e avion y e industria di aviacion. Esaki tabata un paso hopi grandi cu ANSA tuma, di cual tur partido envolvi por beneficia di dje den futuro.
Cu e sistema nobo aki lo por mehora e nivel di servicio provee na e clientenan. Finalmente Schwengle a splica cu aunke ATCAA no a wordo envolvi, ta confia cu e miho decision a wordo tuma y cu lo miho ta na caminda.