Un evento cu ABO no por keda sin atende. “Explore Our Stories Through Art”, un exposicion di arte dia 27 di Augustus 2016 na Centro di MJF. MJF ta conoci pa nos eventonan fantastico, pero e biaha aki nos lo ta presentando un evento den un manera diferente. E lo ta den forma di arte. Explore our Stories Through Art lo ta un evento cual lo tin un variacion di arte on display, traha door di e clientenan di Mary Joan Foundation y diferente artistanan local. Lo tin diferente tipo di arte traha door di nos clientenan basa riba nan lucha contra cancer. Un anochi yena cu inspiracion caminda nos kier concientisa adultonan hoben pa hiba un bida saludabel pa asina nan por preveni malestarnan manera cancer na pecho.
Arte ta un bunita forma pa expresa bo pensamento, sentimento y deseonan. Tin diferente investigacion cu ta demostra cu arte por yuda un persona cu cancer subi su porcentahe di sobreviviencia y alabes hiba un miho calidad di bida. Colornan no ta desconoci pa un ta un simbolo di expresion y sentimento.
Nos ta mira’bo diasabra 27 di Augustus 2016, di 6 pa 9’or di anochi na Centro di MJF, na Sabana Blanco 8, den cura di Atco Dakota. Lo bay tin live entertainment, lounge area, kids corner, bar y cushina BON surti. Entrada ta completamente gratis. Trece famia henter!
Pa mas informacion por sinti liber pa tuma contacto na tel: 588-9999, por manda un e-mail na [email protected] of por bishita nos riba pagina di Facebook: Mary Joan Foundation Aruba. #KnowYourColors