Arabela Colina cu ta presidente di Mary Joan Foundation den un entrevista a duna di conoce cu luna di october ta e luna mundialmente di conscientisacion di Cancer di pecho. Mary Joan e luna di october ta para mas na e parti di conscientisacion y ta e luna cu nos ta haci nos recaudacion di fondo pa varios aña. Manera nos tur sa aña pasa debi na pandemia no por a haci mucho mas y esaki a cay afo cu tabata un caminata esun di mas grandi y e parti di colecta placa. E aña aki no por haci’e debi na e reglanan di pandemia cu ta aglomeracion y e parti di e caminata roos ta hopi grandi y e parti di colecta no por sigui debi e parti di seguridad ta prioridad na nos hendenan.
Cancer di pecho na hende homber ta un porcentahe basta abou cu ta den careda di 2%, y hende homber por haya e cancer. E importancia di cada un di nos tanto hende muhe y hende homber cu bo ta na e edad cu bo pecho a desaroya pa haci e sanimacion y controla bo pechonan y controla esaki un biaha pa luna. Si haci esaki y capta cualkier iregularidad na bo pechonan por acudi mas lihe na bo dokter di cas.
Hopi hende ta warda na ultimo pa ayudo
Sra. Colina a duna di conoce cu miedo ta hunga un rol grandi pa un hende yega na un dokter di cas pidi ayudo, pero si bo tin duda kico ta pasando Mary Joan ta habri y pa nos combersa, y nos tambe ta compaña e persona pa dokter di cas. Nos rol den comunidad ta pa duna sosten na e personanan cu ta pasando den e malesa di cancer di pecho. Nos mester ta cauteloso cu nos salud, nos mes tin esaki den nos man. Ban cuminsa na controla nos mes tur luna sra Colina a splica.