Fin di October aki, Mary Joan Foundation lo bay tin un otro actividad, cual ta un caminata. Arbella Reyes-Colina, presidente di e fundacion, a splica cu esaki lo bay costa 10 florin. E aña aki no tin T-shirt. Cu e ticketnan por participa pa diferente premio. Lo bay tin pasashi pa Medellin, dinner for two, weekend stay. Diferente premio. Reyes-Colina ta invita un y tur pa cumpra e ticket y bin cana cu Mary Joan Foundation, sostene nan. Mustra comunidad cu boso tambe ta bezig cu e concientisacion manera cu Mary Joan Foundation tambe ta. Mirando cu no tin T-shirt, si lo bay saca premio pa esun cu tin un trahe of T-shirt creativo cu e tema di concientisacion riba cancer na pecho, pa asina e por gana un bon premio.
Por lo general e caminata lo sali for di e Aruba Entertainment Center, bay ariba tena Brandweer, for di eynan ta bay bek te na e rotonde La Americas y ta bay den Vondellaan y despues bay bek Entertainment Center.
E caminata ta cuminsa for di 5’or y mey, pero ya for di 4’or por cuminsa registra y pa 4’or y mey tin Zumba cu Niurca de Cuba, pa asina por warmup e curpa un tiki pa por sali 5’or y mey. Por haci’e un atardi di famia. Esey ta un hecho hopi leuk, caminda cu e chikitonan por bin cu nan bicicletanan dorna, caminda cu nan por gana premio, pero e tin di haber cu concientisacion di cancer na pecho. Mary Joan Foundation ta conta cu sosten di un y tur pa asina nan por sigui cu nan trabao pa comunidad.
Reyes-Colina a agrega Un riba ocho hende muhe tin cancer na pecho y esey ta alarmante. E actividad aki definitivamente ta un di esunnan mas grandi pa asina yega na fondo pa sigui cu nan trabao.