E aña aki pa prome biaha Mary Joan Foundation lo bay colecta den fin di simannan di October. October ta e luna internacional di conscientisacion di cancer na pecho y ta e luna cu MJF tin diferente proyectonan riba kalender. Un proyecto nobo e aña aki ta e collect cu lo tuma luga dia 15, 16, 22, 23 & 29 di October. Lo ta bay tin boluntarionan para na diferente localidadnan pa asina haci’e mas facil pa comunidad pa pasa aporta cu algo pa collect.
Boluntarionan lo ta pa para na 8 localidad cu lo ta como lo siguiente : Pariba di brug lo ta Valero Essoville, Savaneta dilanti di Indirah Skin Care, pabou di brug lo ta: dilanti Imelda Kleuterschool, Rotonde di Santa Cruz, Rotonde Paradera, Rotonde Tanki Flip, L.G. Smith Blvd & Valero Blvd. E orario lo ta di 9’or di mainta te cu 6’or atardi.
MJF ta pidi comunidad pa sigui contribui, pa asina nos tur hunto cu nos comunidad sigui traha pa e bunita causa cu ta conscientisa grandi y chikito riba e malesa di cancer na pecho y sigui sostene esnan cu mester di nos den e trayectorio di cancer na pecho.
“Ora nos trata di crea luz pa otro, nos mes ta lusando nos mesun caminda sin pone atencion.”