E Caminata Roos ta conoci den comunidad pa ta e caminata mas grandi di conscientisacion. Esaki ta bay bira e di 13 Pink Walk cu ta wordo organisa aki na Aruba. Mary Joan Foundation ta organisa esaki.
Expectativa manera semper ta grandi pa loke ta e actividad aki. Fundacion ta informa cu e aña aki nos no lo tin t-shirt pa bende pa e caminata. Ta pidi tur persona cu asisti na e caminta pa bista na roos. Tambe manera semper nos caminata tin hopi premio fabuloso pa tur esnan cu ta participa. Ta bay tin un premio special pa e persona cu bin cu su shirt decora na e tema di conscientisacion di cancer na pecho. Ticketnan pa e caminta ya ta obtenibel na MJF center, Indira’s Skin Care na Savaneta y tambe na Drop ‘n Nuts na Dakota.
Bisti na roos y bin cana e 5km cu nos cual ta cuminsa 5:30 di atardi for di Entertainment Center na Dakota. Pa 5:00 di atardi. Niurca De Cuba di Beyond Fitness lo tey pa e warm-up zumba.
Mayoria di nos di un forma of otro sea den famia of amistad a haya nos mes confronta cu cancer. E dia aki ban hunto sostene Mary Joan Foundation y e causa. Nos ta conta cu bo presencia y pa e aña aki e bira atrobe un exito.
Un den ocho hende muher lo wordo diagnostica cu cancer na pecho den nan bida. Esaki ta keda algo cu nos como fundacion ta keda infatisa riba dje pa nos hende muher keda controla e pecho tur luna. Hecho ta cu mayoria persona diagnostica a sinti algo nan mes. Fundacion tey pa yuda den e forma di sosten di profesionalnan, trahado social y psicologo, y asina brinda e cliente y su famia guia pa por enfrenta e situacion cu nan ta den. E servicio aki ta totalmente gratis como confidencial. E ta comproba cu e ayudo cu MJF ta brinda na comunidad ta yuda e ser femenino surpasa temor y depresion pa motivo di tin cancer di pecho.
E lema ta “No enfrente bo so”, Mary Joan Foundation tey pa yuda bo. Pa mas informacion por tuma contacto na fundacion 588-9999 of mail [email protected] por sigui nos via nos FB: mary joan foundation.