Awe mainta un hoben cu a pasa 17 aña di su bida den coma, a bay descansa.
Ta trata di Marvin Lacle, kende a wordo hinca den bario di Dakota despues di un pelea di gang. Esaki tabata net despues di un parada di carnaval.
Un pleitamento entre miembronan di un grupo cu a otro, a finalisa cu Marvin a haya hinca cu nunca mas a lague bon. El a keda den coma y dokternan a bisa cu no por haci nada mas p’e.
Su mayornan y demas famia sinembargo nunca a entrega. A pesar cu ciencia ta bisa cu un hende den coma sigur no ta biba mas cu 2 aña, famia a keda insisti. Dado momento nan a adapta nan cas pa por hiba Marvin cas cu nan, unda nan a cuid’e. Nan tabata haci oracion y canta canticanan di alabansa y segun familiarnan, e tabata move cu su wowonan. Esaki a pone famia keda lucha cu Marvin y cu e speransa cu un dia e lo habri su wowonan.
Awe mainta sinembargo el a bay drumi pa semper. Na famia y amigonan cu a keda cerca di dje semper ta bay palabra di condolencia y forsa.