Marva Solagnier, presidente di Women’s Club a splica riba nan di 82 aña di e fundacion y kico ta nan plan pa e aña aki.
E ta comenta cu Women’s Club of Aruba dia 17 di September, 1934. Esey ta nifica cu nan ta celebrando nan aniversario di existencia. Women’s Club of Aruba ta un non-profit organisation. Ora cu haci un actividad pa recauda fondo, tur fondo cu ta recauda ta bay bek den comunidad. Tin diferente proyecto. Tin proyectonan pa mucha, proyectonan pa hoben, proyecto pa adulto, proyecto pa nos grandinan. Pa loke ta trata proyecto pa nos muchanan, tin por ehempel, medio ambiente Goes to School, caminda muchanan di 1ste klas ta haya un pakete pa concientisa nan riba nos medio ambiente. E pakete ey ta wordo parti na tur scol catolico, scol protestant, scol publico y tambe algun scol priva. Un otro proyecto pa mucha ta Dress a Child project. Esey ta wordo haci den luna di December, caminda ta bisti muchanan di famianan menos afortuna. Esey ta tambe e “signature project”. Pa loke ta proyecto pa hoben, tin por ehempel Student Award. Na final di aña escolar, ta honra tur e miho graduadonan di pais Aruba, di e diferente tipo di scolnan.
Pa loke ta trata proyecto pa adulto ta enfoca hopi riba e comision di salud. Caminda cu ta concientisa e hende muhenan adulto, tambe e hoben adultonan pa samina pecho. Esey ta algo hopi importante pa preveni cancer di pecho.
E diferente dokternan di cas ta yuda e club cu e proyecto, sea na hospital, na Imsan of otro localidad. Un otro proyecto pa adulto ta cu nan ta haci, ta Paptest. Pa loke ta nos grandinan, tin e grupo di Welfare, cual ta celebra tur aña den luna di October, dia internacional di nos grandinan na e diferente institucionnan di SABA. Por ehempel na Huize Maristella cu ta keda na Savaneta, na Pavilioen St. Michael, cual ta na Playa y Centro di Cuido cu ta keda na San Nicolas, Women’s Club ta organisa e fiesta pa nos grandinan.
Tambe e miembronan tur luna ta entretene nos grandinan cu un bingo pa tene nan contento, pa nan ta activo y tene nan mente tambe activo.
Cu esaki Solagnier ta pidi pa pueblo di Aruba, coopera cu e rifa, pa recauda fondo ya cu tur e recaudacion ta bay den comunidad na e proyectonan.