Marriott Country Yard a habri oficialmente y presente na e apertura tabatey Minister di Turismo. Dangui Oduber. Minister a mustra riba e tranformacion di The Mill Resort den un Marriott Country Yard cu a keda den un preciosidad di hotel. Minister a mustra cu e tin un alegria di por comparti e momento aki di apertura cu tur presente y tambe cu henter pueblo di Aruba. E country Yard aki ta bira e di seis propiedad di e cadena hotelero Marriott na Aruba caminda e ta consolidad 2400 camber. Gobierno di Aruba ta sintie gradici na e corporacion di Marriott pa su compromiso cu Aruba. Pero tambe e standard halto cu nan ta exigi di nan propiedadnan riba nos isla y tambe nan hospitalidad. Minister Oduber tambe a felicita e doñonan di e Marriott Country Yard aki y su gerencia pa inverti den futuro di Aruba. Sra. Vicky Perez ta bira e general manager di e Marriott Country Yard nobo aki y a duna di conoce cu e ta sintie honra pa presenta e opcion nobo aki di hospedahe na pueblo di Aruba y mundo henter. Sra. Perez a mustra cu e opcion aki lo bai bira sigur un di e resortnan mas importante y gusta di nos Aruba mirando su bayeza y e team cu lo bai haci e trabao na esaki. Aruba pa hopi tempo caba a gana su puesto riba e lista di e miho destinacionnan turistico na mundo y awo cu e opcion di Marriott Country Yard esaki lo bai ta mas miho ainda. E hotel aki, segun Sra. Perez a declara, ta e segundo desaroyo den su categoria na mundo y ta trece cune un sentido di orguyo pa cu esaki. Mirando cu e cadena hotelero mas grandi na mundo a scohe Aruba pa habri un Marriott Country Yard. Esaki ta bira e prome pa nos region y tambe pa latino America. Loke ta haci esaki unico tambe cu gerencia a scohe un persona local pa ta gerente general di e prome Marriott Country Yard di Aruba cu ta duna indicacion di nan compromiso cu nos isla. “Tambe mi kier gradici pa inverti den nos talento local cu lo yuda fortalece e marca di hospitalidad di Marriott y comunidad di Aruba en general. Awe mi ta sintimi orguyoso di yama boso tur bon bini y habri e portanan di e proyecto aki y manera nos lema di Court Yard ta bisa: Pasion moves us forward”, Sra. Vicky Perez, general manager di Marriott Country Yard Aruba, a declara.