Simar a participa na e seminario di restructuracion salarial y e storia tras di esaki ta bastante largo. Sra. Maroushka Cornelie di SIMAR a splica cu e deseo pa structura salario a cuminsa na 1994. Minister Eddy Croes e tempo ey, como Minister di Enseñanza a busca advies cerca Stichting ABC Advies pa loke ta restructuracion salarial pa loke ta Aruba. Y na 1998 tabata Minsiter Mary Wever – Lacle tabata Minister di Enseñanza.
Na aña 2000 Simar a bay den welga pa motibo cu tabata pidi pa bin cu restructuracion aki. Despues di basta aña, te na mas o menos 2001 tabata tin 2 comision cu a lanta pa traha ariba esaki, cu tabata consisti di Directie Onderwijs, hunto cu SIMAR y e Minister di Enseñansa. Despues na 2007 of 2012 Minister Douwers a laga KPMG traha un structura caminda ta hinca e salarionan, describi e funcionnan y duna balor na cada uno. Esaki ta wordo yama e functiehuis.
Esaki ta keda cla, pero tabata tin un cambio den ministernan y na 2015 Minister Hooyboer- Winklaar a lanta un comision nobo, cu ta consisti di SEPPA, Directie Onderwijs, SIMAR, Departamento di RecursonanHumano, Directie Wetgeving en Juridische Zaken y Minister di Enseñansa.
Sra. Cornelie a sigui splica cu a repasa e functiehuis y a haci algun ahustacion, pa motibo cu, cu tempo a bin cu tareanan nobo, funcionnan nobo cu no tabata tin antes. Tabata tin hopi cambio den posicion di trahadonan. E trabaonan a tuma luga, y te na ultimo tabata pa e bay na vigor na Augustus 2016. Door cu e trabaonan no a keda cla, e siguiente deadline di 1 januari 2017 tampoco por a wordo alcansa.
E directivanan di scol a haya tempo pa nan keda cla y e meta ta pa introduci e restructuracion nobo na 1 Februari 2017. Sra. Maroushka Cornelie ta spera cu esaki por keda cla ya cu ta for di 1997 caba ta boga oa un restructuracion den enseñansa
Hopi hende ta bruha entre restructuracion salarial y aumento salarial. E structura nobo no tin nada di haber cu aumento salarial. Loke ta importante di structura nobo ta, cu esunnan cu a yega 38 aña di edad, contrario na 20 aña pasa, cada 2 aña e por haci apelacion pa e bay dilanti. Tambe e ta duna mas espacio pa por crece den bo trabao y un miho calidad den bo trabao. E derecho di bay dilanti ey ta basa ariba prestacion di cada persona, Sra. Maroushka Cornelie di SIMAR a finalisa bisando.