Si nos fiha riba e caso di e maestro maltrata, bisando en general, nos problemanan social na Aruba ta enorme. Nan ta demasiado, segun Marouschka Cornelie di Simar. Den un klas tin 30 mucha y sigur 8 pa 10 ta biba den un situacion social/emocional malisimo. Nos profesionalnan pa carga e problemanan aki, pa guia nan, pa atende e muchanan aki, no ta suficiente. Ken tin cu carga nan, e maestro di scol cu no ta e profesional pa haci esaki. E ta profesional pa duna les y un maestro di scol tin diferente choice. E por bisa e ta tuma tur e peso di e casonan aki riba dje, ta bira poco poco mas pisa. Por yega na hasta frustra y sigui traha cu e problema riba dje, pasobra no tin profesional pa yuda of ta bira lomba pa e klas y pa evita cu ta faya of cos bay for di man, ta bay cas. Mayoria cu ta traha cu curason, ta dicidi di keda traha. Tin cu wak mas diep. No solamente e cos aki a pasa y dicon el a yega asina leu. Tin cu bay wak mas leu unda mester bay traha pa evita e cosnan aki asina leu. Preveni si traha na prevencion. Pa cuminsa loke falta hopi den comunidad ta señal. Si coy por ehempel Amigo Didi, wak con el a pega den comunidad. Por ta di 10 hende tur 10 no ta bay haci’e. Pero si gana por lo menos un door di e propaganda aki, a haci un bon trabao. E cosnan aki mester haci mas den nos comunidad. Por tuma nota di un propaganda cu ta bisa cu minister di enseñansa a percura pa kerndoelen. Masha bon, segun Cornelie. Pero un propaganda asina ta costa tin di compronde, un 200 y pico florin cada biaha cu e pasa, e ora ta un dineral na e mesun cos, mientras cu e mesun placa ey por bisa pa traha algo nobo. Dirigi na e hoben, papia di respet, norma, balor, etc. Tin hopi otro cos cu tin cu tuma luga pa preveni y tambe mester bay focus riba busca forma pa yega na e profesionalnan cu mester pa guia mucha y famianan cu ta den problema y tambe e maestro cu ta den problema cu su klas.