Maroon 5 lo no contesta niun pregunta di medionan di comunicacion tocante nan presentacion den e halftime di Super Bowl: NFL a anuncia cu e conferencia di prensa prome cu e show a keda cancela.
E conferencia di prensa tocante e presentacion durante e half time ta un tradicion pa añanan largo. Justin Timberlake a tene uno aña pasa, Lady Gaga tambe a tene un conferencia di prensa e aña anterior cu esaki… Prince.. Ken no ta corda con Prince a saca su guitara durante e conferencia di prensa na 2007 y a duna un tremendo ‘mini presentacion’ na 2007.
E ora, pakico cancela e show? Según NFL, Maroon 5 y e otro artistanan manera Travis Scott kier pa e “show papia pa su mes”, pero ta obvio cu tur cos ta draai rond di Kaepernick.
Presionnan ta halto pa streanan grandi manera Common y Nick Cannon pa vocifera nan opinion tocante e manera cu e liga a trata Kap.
Otro artistanan manera Jay-Z, Rihanna y Kelly Rowland a bisa di lo no traha cu NFL door di e acusacionnan di Kaepernick di rechaso di parti di NFL pa a hinca rudia durante e himno nacional.
NFL a emiti un comunicado unda cu nan ta bisa cu ” Maroon 5 a bin ta trahando duro ariba un Pepsi Super Bowl LIII Halftime Show cu lo cumpli y hasta supera e expectativanan di e evento aki”.
“Mirando cu ta trata di musica, e artistanan lo laga nan show papia pa nan mes na momento cu nan subi stage diadomingo awo”.
Enbes di tene un conferencia di prensa, NFL a bisa cu e artistanan y e liga lo participa den “despliegue di medionan tanto social como digital” pa promociona e show.