A presenta na warda e dama B., kende kier a duna keho conta e conocido di polis, e homber MB, miho conoci como Marlonchi. Parce cu B. tabata den e drive thru di KFC cumprando cuminda, ora cu diripente e adicto ambulante a presenta na e bentana unda e tabata bezig ta pagando pa su cuminda cu su credit card. B. tabata pafo di su auto ta pin. E empleada a bisa Marlonchi pa e bay, ora cu el a cuminsa insult’e. E ora eynan Marlonchi a cuminsa bisa B. cu e ta di e partido politico AVP. B. tabata tin un sticker di AVP riba su auto. Marlonchi ai nvit’e pa bin dal’e, pero B. a keda para keho. El a acerk’e y a cuminsa push’e na su schouder. Dado momento el a scupi’e intencionalmente den su cara. B. a bisa Marlonchi cu e lo bay polis p’e. Marlonchi a bis’e cu e no tin miedo di polis y a cana bay. B. a wordo avisa pa pasa e dia siguiente mainta na recherche pa duna keho di maltrato comun.