E momento a yega pa bay tene y matene e barionan limpi. Director di City Inspector, Marlon Pietersz a splica mas di e accion cu ta un trabao conhunto di Serlimar, Polis y City Inspector.
El a splica cu ta presentando un proyecto nobo cu tin den e barionan cu kier a haci conhuntamente cu Serlimar y cu Polis di Bario, manera ya menciona. Den e caso aki ta haci e barionan limpi, pero ta bay yam’e “Ban Mantene e Barionan Limpi”.
Dicon?
Esaki ta pasobra semper hunto cu polis y cu Serlimar y otro instancianan ta haci constantemente e barionan limpi, pero tin cierto di e hotspotnan, e luganan caminda cu nan ta keda tira sushi constantemente, cu ta keda haci’e limpi, pa e sushedad bolbe wordo tira y esey no por. Ta purba di monitor nan y no ta tur ora ta haya hende eynan cu ta tira e sushinan eynan. Y si nan wordo haya, nan ta wordo sanciona, no cu nan no ta wordo, pero nan ta wordo sanciona. Logicamente tin cu hayanan cu man den mansa (op heterdaad). Den e caso aki un biaha mas, City Inspector su parti den dje ta cu tin informacion general di City Inspector.
Kico ta su trabao?
City Inspector tin un folder caminda cu e ta brinda informacion durante di e proyecto. Bureau City Inspector ta existiendo pa 4 aña caba. Tin un cantidad di 5 pa 6 City Inspector riba caya. Ta parti Aruba den 4 districto manera cu Polis ta haci y ta comparti e trabaonan hunto cu Serimar, DOW y otro instancianan cu ta mantene e luga limpi y tambe e parti huridico, e parti di ley, ta wordo tambe yuda door di polis.
Loke mas lo bay duna atencion awor aki ta na auto bieu y sushinan grandi pa cual esaki ta e accion cu lo bay tuma su tempo.
Kico ta e rol di City Inspector?
Esaki ta pa cera conoci cu su bario y e bario cera conoci cu City Inspector. City Inspector ta un aanspreekpunt pa e bario mes bin papia cu nan y duna cierto informacionnan entre otro di sushedad y otro cosnan cu ta den e bario. Si wak bon, e ultimo temponan aki tin tur sorto di tipo di sushedad, pero esun di mas grandi cu lo bay concentra awor aki ta e auto bieunan, e wacharacanan y e wasmashin y frigidaire cu ta wordo benta sea dilanti di cas, den cura di cas of den mondi manera semper nan ta haci.
Si tin e sushedad bon presenta, pa por recoge esaki. Den e caso aki ora cu e auto bieu ta para dilanti di e cas of e wasmashin ta pafo di e cura di cas, Pietersz a splica.