Marlboro Sport Club cu actividad deportivo pa tur mucha interesa pa hunga baseball

Marlboro Sport Club (Red Machine Baseball Organisation) lo ta organisando un actividad deportivo pa muchanan cu ta interesa den hunga baseball. E actividad lo tuma luga na Centro di Bario Dakota riba 15 y 16 di februari. Riba diabierna 15 nos lo start pa 4or di atardi y lo termina pa 7or di anochi y diasabra, 16 di februari nos ta cuminsa for di 2or di atardi te 7or di anochi.

Naturalmente mucha nan por bin tur dos dia. E focus ta riba mucha nan entre 6 y 12 aña di edad y cu ta biba den e region di Center League (St. Cruz, Hooiberg, Cumana, Dakota, Piedra plat, Simeon Antonio, Cas Paloma, Wayaca). Pa mas informacion nos a attach e flyer di e evento.

Nos ta spera cu nos por conta cu un extra push for di nos media local pa promove nos futuro nan di baseball pa e por bira un exito.

Comments

comments