Diadomingo atardi, e candidato di hubentud pa AVP #29 Marksonn Maduro a ricibi un acogida grandi cu un participacion tremendo for di hobennan durante e caminata 5K na Noord. Hunto cu otro candidatonan di Noord manera Richard Visser, Giovanni Arends y Carlos Bermudez, Marksonn ta dunando na nos comunidad e ehempel di movecion fisico y bida saludabel.
E siman a cera despues cu riba e Dia International di Hubentud, hobennan local a registra online pa uni na e movimiento di Marksonn, esta #crececumi. E movimiento aki ta dedica na bida saludabel, entrepreneurship y capacitacion di hubentud.
Marksonn a fiha como su meta pa construi e conexion pa votadornan nobo y e hubentud en general y resalta e importancia di nan participacion activo den democracia y e futuro di Aruba riba su mes. Marksonn ta comprometi na traha hunto cu mas tanto hobennan posibel durante y despues di su campaña. Pa mas informacion, check e website na: www.marksonn.org.