Segun resultadonan preliminar di e eleccionnan na Hulanda ta duna como forsa ganado e partido di Prome Minister, e conservado Mark Rutte.
“Hulanda a bisa no na e version malo di populismo”, Rutte a bisa despues cu e datonan prelimiar a drenta.
Rutte a papia dilanti su simpatisantenan y el a señala cu ya el a papia caba cu algun di su coleganan Europeo.
“E mensahe di mantene un Hulanda sigur, stabiel y prospero a gana”, Rutte a bisa.
El a enfatisa cu VVD pa di tres biaha consecutivo ta e partido mas grandi di Hulanda.
Cu un nivel di participacion hopi halto, segun e encuestanan mas importante, e gobernante ta keda cu un delantera contra di e ultraderechista Geert Wilders, cu ta comparti e di dos luga cu dos otro partido.
Eleccionnan na Hulanda a lanta mas interes nacional cu nunca, ya cu e ta wordo considera como crucial pa e futuro di Union Europeo.