Mark Rutte: Maske cu Gobierno di Hulanda a bira demisionario e lucha contra Coronacrisis ta continua

Reino: Situacion politico di Hulanda a conoce un golpi bastante fuerte ora cu a dicidi den bloke pa baha e Gobierno di Gabinete Rutte, debi na e scandal di e fraude di e Kindertoeslag Opvang cu a haya un tinte discriminatorio tambe. E ta un golpi enorme pa e imagen di un pais cu ta duna su mes di conoce como uno cu ta lucha contra desigualdad. Pero mirando cu e siguiente eleccion na Hulanda ta premira pa Maart proximo, e decision di baha e Gobierno a sirbi pa evita luchanan interno.

Den conferencia di prensa, Premier Mark Rutte a duna di conoce cu e trabounan pa saneacion durante e pandemia no lo sufri consecuencia di e problema politico. Rutte a splica cu e coalicion cu a goberna te cu awor, forma pa cuater partido, lo mantene e lucha contra Coronavirus.

E dificultadanan cu Covid-19 a trece cun’e a haci cu e caida di e Gobierno Hulandes a tuma lugar casi den “slow motion”, pero na final no a logra tapa loke a pasa cu e 26.000 famianan afecta den e scandal di e Kindertoeslag Opvang. Den algun caso, e famianan aki a acumula debenan di hasta 100.000 Euro, door a keda sin haya e ayudo cu tabata coresponde na nan legalmente, y Servicio di Impuesto di Hulanda a ordena nan tambe pa debolbe e subsidio den poco luna. Algun dia pasa un comision Parlamentario a critica Gabinete Rutte y su Parlamento, “pa redacta leynan cu no ta haci husticia na situacionnan personales”. Tambe a critica hueznan, “pa aplica di forma implacable normanan, sin atende preceptonan administrativo cu ta proteha ciudadanonan”, na mes momento cu a señala e mal manera di comunica y informa entre e Ministerionan.

Comments

comments