Aunke lista ta cortico, e lider di MAS ta sumamente satisfecho cu e resultado y cu por a logra entega e lista.
Esaki ta tuma luga de nun pandemia y retonan grandi cu e pais ta pasando aden. El a papia di corupcion den aparato public cu el a trata di lucha contra dje, pero cu e resultado tabata cu a bah’e den un procedura contra ley apoya door di partidonan MEP, POR y RED.
Su salida for di POR a pone evalua kico e ta bay haci y despues di varios peticion, a dicidi di sigui den politica y asina a haya e oportunidad aki via di Movimento Aruba Soberano.
Un lista, el a bisa, tin luga pa 29 persona. Despues di tur loke el a pasa aden, e por bisa cu e no ta kere den cantidad pero den calidad. Den lista politico ta hopi importante pa tin persona capaz y dispuesto pa enfrenta e retonan grandi cu Aruba ta pasando aden. Mas ainda si mira kico mester enfrenta maner COHO y e Landspakket.
A scoge pa bini cu un team chikito y solido, unda cada un ta prepara pa e trabou y den un periodo cu nan ta dispuesto pa corta bo garganta afo. “P’esey mi ta orguyoso di por presenta e lista aki.”
A agrega tambe cu a opta, debi na e situacion reinante, pa no hiba un campaña tradicional cu material propagandista. Ta bay riba un campaña humilde unda cu e mensahe y programa yega mas cerca di e ciudadanonan.
E lista di MAS ta consisti di e siguiente personanan, unda cu no tabatin discusion pa number:
1 Marisol Lopez Tromp
2 Aquannette Amariane Gunn
3 Bartholomeus Leopold Koster
4 Solangel Dinmohamed Laclel
5 Alberto Roman Groeneveldt
6 Michel Prakas Mungra
7 Giovanni Alexi Lew-Jen-Tai