Diasabra mainta Marisol Lopez-Tromp a bay duna un keho pasobra pa di tanto biaha parlamento ta haya menasa of palabranan ta wordo hiba den direccio di Staten cu ta castigabel. Den e caso aki no ta trata Lopez-Tromp mes, sino e instituto Parlamento cu mester ta safe y mester wordo respeta. Na momento cu un ciudadano ta haya ta bon pa pone un menasa cu e ta kima e luga, tabata motibo cu a wordo avisa di e menasa aki y cu ta su deber e ora pa como presidente pa e instituto Parlamento bay e ora recherche pa entrega un keho. Lopez-Tromp a subraya cu imagina cu si lo ta asina cu nos parlamento di Aruba wordo kima. E no ta djis e edificio, e ta e señal tambe cu e instituto democratico di bo pais, e cas caminda cu pueblo ta representa, e debatenan ta tuma luga, ta wordo mira cu e ta wordo kima no solamente na Aruba, sino den exterior. E señal cu esaki ta duna ta hopi malo mes. Pa cualkier motibo cu un ciudadaon ta sinti cu e ta cana cu un pena of e ta rabia of ta hostina mes, tin e camindanan pa cana pa esaki y no ta kere ta na su luga pa bay comete actonan di destruccion y mucho menos actonan castigabel, segun Lopez Tromp. Tabata tin un ciudadano ta haya ta bon pa tira algo den sala y esey no ta algo cu no ta wordo acepta den reunion y polis a guie hibe na salida.