Awe presidente saliente, Marisol Lopez-Tromp, tabata su ultimo dia sinta como presidente di Parlamento. El a comenta cu e reunion a bay bon, den e sentido cu e comision cu el a eligi di procedura di votacion, a haci su trabao. El a controla e votonan y a propone candidatonan cu a wordo vota riba dje.
El a sigui splica e tres añan cu a pasa tabata uno cu el a siña hopi mas acerca di por bisa di hendenan, conoce nan miho. Tin cu anda con cu bay bin cu e fraccionnan den Parlamento y trata di toch cumpli cu nan deseonan pa loke ta reunionnan. Ora di debate y toch keda imparcial. Tin cu bisa cu el a haci tur su esfuerso y dedicaicon pa haci esaki. Una bes cu ora e tres añanan tabata casi pasa, el a bira independiente entrante Juni ultimo. Tabata tin momento cu e fraccion di AVP lo a exigi pa baha como presidente, pero e ta kere cu den su trabao y no pasobra cu tabata tin un sucedido cu e no por traha imparcial. El a traha manera ley a prescribi te cu awe, caminda cu mester a eligi un presidente y vice presidente di Parlamento. Den e ultimo simannan cu mester a haci hopi uzo di reglamento di orden di Parlamento. Pasobra tabata tin diferente momento cu tabata tin por ehempel durante reunionnan cu si e Parlamentarionan no kier a presenta, of no kier pa e reunion sigui, otro no kier debati, otro no kier debati. A hasta pidi pa hala reunionnan te ora cu Lopez-Tromp no tabata presidente mas. Loke el a haci ta push y sigui cu e trabaonan y pa asina caba cu tur cos inteno, manera preparacion di cierto leynan grandi cu mester a keda prepara. E tres añanan cu a pasa tabata caracterisa cu hopi hende a bay Parlamento, no solamente den manifestacion pero tambe tribuna. Esey ta positivo pasobra esey kiermen cu nan ta biba cu e tema cu nan ta bin presencia eyden. Esey ta algo bon pasobra no tur caminda ta asina. Por bisa tambe cu den e tres añanan cu a pasa hopi ley a wordo pasa. Lopez-Tromp a representa Aruba den exterior cu hopi honor y mas importante ta cu awor aki como independiente, e ta continua su trabao den Staten, por bisa liber di e parti cu e no por a hiba debate den sala.