Presidente di Parlamento, Marisol Lopez-Tromp a trece padilanti durante reunion publico, cu e ley di Codigo Civil ta uno sumamente grandi cu no ta toca solamente e amienda cu ta den full discusion den comunidad. En berdad e amienda a capta full e atencion, pero e no ta un di e puntonan cu ta hinca den e Codigo Civil, sino tin un cantidad di otro ley y punto y cambionan den dje, cu ta otro topiconan. A base di esaki, a bisa e minister cu si e no ta capas pa contesta, cual ta straña Lopez-Tromp, mirando cu e ley aki a ta den preparacion pa basta aña, a pasa tur su facetanan, cantidad di instancia a bin Parlamento pa contesta preguntanan riba un cantidad di topico y ta en espera di e cambionan pa wordo pasa y pavia di aparentemente e amienda cu a wordo entrega apenas dos luna pasa, a surgi un discusion asina grandi cu casi awor aki ta bin paralisa un reunion publico pavia di dje. Sin embargo, mirando cu ta tur tres fraccion a indica cu nan ta sinti cu nan kier trece cierto cambio ainda y tambe e minister a bisa cu e kier tambe kier bay bek den ministerraad cu cierto punto. A vota p’e y mayoria di e Parlamentarionan a pidi pa schorsing, caminda cu Lopez-Tromp a dicidi cu e reunion ta continua dialuna awo caminda cu ministernan Paul Croes y Arthur Dowers ta presenta na Parlamento pa bin sigui contesta e preguntanan aki.
Por a sinti cu tabata pidi presencia di prome minister pa tey. Riba esaki Lopez-Tromp a splica cu e prome responsabel, minister Arthur Dowers tabata tey y door cu tabata tin algun cambio riba e parti di labor, a invita minister Paul Croes pa tey presente. Tin biaha ta invita tambe mas minister, depende e topico y kico kier wak contesta. Por bisa si cu con cu bay bin, ta Gobierno ta contesta y e prome responsabel riba e ley aki ta minister Arthur Dowers.
- Latest
- Trending
