E atleta di tennis di mesa, Mario Lobo a bolbe demostra pakiko e ta e miho hungador di ping pong na Aruba y keto bay ta domina e cicuito aki pa añas y ta bolbe gana e Copa Aruba 2018. E torneo di Copa Aruba den e deporte di tennis di mesa ta un di esunnan mas importante di aña. Aki nos miho hungadornan di ping pong a topa otro den e diferente categorianan. E hungadonan cu gana e torneo lo bira e miho atleta di tennis di mesa pa e aña 2018. E weganan sin duda ta riba un bon nivel mientras e bataya semper ta feroz. E aña aki den e categorianan Open y U18 unda e faboritonan Mario Lobo, Andy Gomes, Jeandry Matthilda y Chingho Chung a bataya fuerte pa e prome luga. Diamars e Campeonato Nacional 2018 a tuma luga den e Open Klas unda e mihornan di Aruba a bataya pa e titulo maximo y aki Mario a hunga e final anticipa contra di e hoben prospecto Jeandry Mathilda. Aki Mario ta gana Jeandry cu e score final di 4 – 2 den sigur un bon bataya cu hopi lucha. Notable ta cu Mario ta gana Doubles y Teams ambos cu Andy Gomes
Resultado final Copa Aruba: Under 18 1er lugar Jeandry Mathilda . 2do lugar Ching Ho Chung. 3er lugar Jean-Claude Hoek 4to lugar Jonathan Paredes.
Resultado di Copa Aruba: B klas 1e luga Franklin Lopes. 2do luga Kenneth Chong 3er luga Alfred Leong
Resultado Cat Open Copa Aruba: 1e luga Mario Lobo . 2do luga Jeandry Mathilda 3er luga Chingho Benny Chung
Resultado di Copa Aruba U13: 1e luga Josielienne Boekhoudt. 2do luga Dylan de Leca. 3e luga Brandon de Leca. 4to luga Ethan Fan
Resultado di Copa Aruba U11 1e luga Dylan de Leca 2do luga Nathan Lobo 3er luga Brandon de Leca 4to luga Shaun Kock
Resultado Copa Aruba U15 : 1e luga Josielienne Boekhoudt. 2do luga Mikayla Mathilda . 3er luga Renoir Rojas .
Asina tambe Aruba Table Tennis ta cera e aña cu entregamento di premio den tur categoria di Copa Aruba aña 2018.
Stichting Sportsubsidie Aruba ta contento di por aporta y brinda e ayudo necesario na e federacion di tennis di mesa pa cu nan campeonato nacional 2018. Stichting Sportsubsidie Aruba a yuda subsidia e campeonato di tennis di mesa 2018.
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.