uba lo sigui wak mas crecemento. Pero ta importante con nos lo uza nos capacidad, no solamente di puerto, pero tambe nos infrastructura y nos recursonan natural. Tur aspecto di nos destinacion mester wordo maneha cuidadosamente. Sr. Mario Arends di ATA ta amplia mas ariba esaki.
Debi na Aruba su location, mas zuid den e parti di Caribe ta haci e reto hopi mas grandi pa por atrae e barconan crucero. Vooral durante e temporada cu e fuel tabata mas costoso, tabata un reto pa e crucero bin cu un itinerario te den e area aki. Aworaki, e gastonan di fuel ta hopi menos, dus esey no echt un reto. Pero toch un idea ariba lama, pa yega Aruba ta keda un reto.
Pa atrae e cruceronan den e area aki, ta traha estrechamente cu hermana islanan Bonaire y Corsou, y tambe cu Panama, Colombia, Republica Dominicana. Traha estrecho cu otro, pa asina tin un cadena di itinerario den e parti zuid di Caribe cu ta hasi’e atractivo y mas facil pa cruceronan inclui Aruba, of Aruba -Bonaire, Aruba- Bonaire- Corsou. Y esey ta un itinerario y esey ta un manera unda cu ATA ta haci hopi esfuerso pa tin un cooperacion hopi estrecho cu nan.