Marinirnan Mericano ta bin tene ehercicionan na Aruba. Riba 13 di juni e treinen ‘Caribbean Coastal Warrior 2022’ ta cuminsa. Durante e eherisio cu ta keda bin bek tur aña, Marinirnan di ‘United States Marine Corps’ Kuerpo di Marina di Merca, ta trein hunto cu Marinirnan di Hulanda di e ‘Marine Squadron Carib’. E ehercicio ta dura un par di siman.
E colaboracion militar entre Etados Unidos y Hulanda ta estrecho. E ‘United States Marine Corps’ y Kuerpo di Marina ta considera otro como sosionan fiho. E Marinirnan Mericano di e 2do Batayon di Reconocimento ta trein anualmente na Aruba, como parti di un intercambio di formacion bilateral. Banda di esei Marinirnan Hulandes di e ‘Marine Squadron Carib’ ta trein anualmente na Estados Unidos durante e ehercicio cu e nòmber ‘Caribbean Urban Warrior’ na Camp Lejeune, na Carolina del Norte.
‘Caribbean Coastal Warrior’ ta un treinen den cual specialmente actividadnan di buseo ta sentral. Esaki ta ser plania pa e coinsidi cu e ultimo fase di e entrenamento di e bushi specialisa. Di e forma aki por haci uso di un forma efisiente di e instructornan na Aruba y esnan for di Hulanda. Asina ki ta crea diferente momento di integracion y ambos banda ta familiarisa nan mes cu e forma di opera y planifica. Finalmente esaki ta amplia y profundisa e cooperacion di tur e partidonan. Esaki den caso di esfuersonan real, ta engrandece e eficacia.
Un punto nucleo adecua pa treinen
E laman di Aruba pa ambos unidad di Marina ta un sitio sumamente adecua pa trein. Mirando e combinacion di clima, temperatura di awa, claridad di awa, y sosten logistico desde Kazerne di Marina na Savaneta, e condicionnan ta optimal pa un treinen eficas y exitoso. ‘Caribbean Coastal Warrior’ ta pas den e ambicionnan di Defensa den Region Karibe pa posiciona su mes (internashonalmente) como punto nucleo pa ehercicio, tanto riba tera, como riba y den lama. Di e Ekipo di Buseo CARIB tin algun miembro cu tambe lo participa den e treinen. E ekipo di Buseo CARIB ta un capacidad vocacional cu Defensa por ubica pa nan propio trabounan di buseo tal manera inspeccionnan y/of reparacionnan na pier y barco. Pero tambe pa sostene sosionan local den area di siguridad den Region Caribe.