Di 17 di mei te cu 7 di jüni e ekipo di buceo di “2nd Reconnaissance Battalion“ di “2nd Marine Division, United States Marine Corps” tabata na Aruba pa e training Caribbean Coastal Warrior.
E training di buceo anual aki ta forma parti di un programa di intercambio cu e Escuadron di Marina (Marine Squadron Carib -MSC), cu ta ubica na Aruba. Den esaki tanto e cuerponan di Marina di Merca como esunnan di Hulanda ta traha hunto pa asina profundisa y amplia nan cooperacion cu otro.
E enfoke di e training durante e ehercicio tabata riba e habilidadnan di buceo tactico cu un aparato di re-inhalacion, y a keda ehecuta pa tanto un ekipo nobo forma, como un ekipo di buceo ya cu experiencia. Pa medio di e training aki e cuerponan di Marina ta intercambia nan habilidadnan tecnico di buceo y tambe nan habilidadnan di buceo di combate cu otro.
E Mariniernan Mericano y Hulandes ta train, banda di e ehercicio Caribbean Coastal Warrior, tambe anualmente durante e ehercicio Caribbean Urban Warrior na e Campamento Mericano Lejeune na North-Carolina. E ehercicionan conhunto ta percura pa intercambio di conocemento y experiencia, durante cua ambos pais ta siña di otro.
