Autoridad di Sint Maarten diasabra a haci un peticion na defensa pa sostene nan cu horcan Tammy, defensa a duna oido na esaki y a pone trahadornan y recursonan disponibel.
Sint Maarten mes ta tuma e iniciativa rond di coordinacion y gestion di tareanan y Defensa ta sostene caminda ta nesesario cu trahado y recursonan. Tareanan cu ta keda ehecuta pa Marina ta entre otro, duna sosten cu vigilancia na prison, core patruya rond e isla, y caminda ta nesesario, vigilancia di orden publico. Marduga, te ainda cu excepcion di algun incidente chikituo, tal manera un accidente di auto, a transcuri trankil. Banda di e recursonan di defensa cu ya caba a keda desplega, esaki si ta nesesario lo wordo amplia. Sosten na autoridadnan local ta un di e tres tareanan primordial di Defensa. Defensa ta concentra su mes riba yudansa inmediato, (di emergencia) durante y despues di paso di un horcan.